ტელეფონის ნომრების ამბავი
შეიძლება ცოტამ თუ იცის არტ.ლებედევის პარაგრაფების შესახებ. არადა, ძალიან სასარგებლო სტატიებია. დიზაინის და არამხოლოდ დიზაინის გარშემო. დღეიდან მე პერიოდულად შევეცდები ზოგიერთი საინტერესო თავი აქ ვთარგმნო ხოლმე.
უკანასკნელ პერიოდში რუსული ენა სულ უფრო და უფრო ცოტა ახალგაზრდამ იცის. ამიტომ, ბევრისთვის ნამდვილად საინტერესო იქნება ლებედევის ”სახელმძღვანელოს” ქართულ ენაზე გაცნობა :)
ცნობილია, რომ ტელეფონში ნათქვამი პირველი სიტყვები 1876 წლის 10 მარტს გაჟღერდა და მისი ავტორი შოტლანდიელი გამომგონებელი ალექსანდრე ბელი იყო: Mr. Watson - Come here - I want to see you (”მისტერ უოტსონ, შემოდით, თქვენი ნახვა მინდა”). მეზობელ ოთახში მყოფ თავის ასისტენტთან დასარეკად ბელს სულაც არ დაჭირვებია ნომრის აკრეფა - მაშინ ხომ მთელ მსოფლიოში ტელეფონის მხოლოდ ორი აპარატი იყო. სწორედ ამ აპარატის მონახაზია ზევით ფოტოზე, თავად ალექსანდრე ბელის დახატული.
