(ვიცი, რომ საკუთარ პრინციპს ვარღვევ, მაგრამ რა ვქნა, არ შემიძლია ამ სილამაზის გაშავთეთრება :)))

და აი, დადგა დღე, რომელსაც თითქმის წელიწადი ველოდე :)) როგორც ჩემმა ფეისბუქელმა მეგობრებმა უკვე იციან, :D დღეს მქონდა ბედნიერება, ჩაის სმასა და Alice in Wonderland-ის პრემიერას დავსწრებოდი ამირანში.

მთავარი კითხვა:
— როგორი იყო?
— მიჭირს პასუხის გაცემა :D
და, მგონი არც არსებობს ამ კითხვაზე პასუხი. ქეროლის იმ გამოცანის მსგავსად, სათაურში რომ მიწერია. :))
განვაგრძოთ კითხვა →

როგორ უნდა მოახერხო, რომ თუთბერიძეზე გამაღიზიანებლად გამოჩნდე?
როგორ უნდა მოახერხო, რომ თუთბერიძეს უნიჭო დემაგოგის ტიტული ცხვირწინ აახიო?
როგორ უნდა მოახერხო, რომ თუთბერიძე შენს გვერდით ათჯერ უფრო ადეკვატურ ადამიანად გამოაჩინო?

გაოგნებული ვარ :)) ვერ ვხვდები, როგორ მოახერხეს ეს ნანკამ, დუდუმ და მთელმა კოლექტივმა :))
განვაგრძოთ კითხვა →

უბრალოდ გენიალურია :))

ჩეთრულეტი - ეს ახალი საიტია, რომელიც 17 წლის რუსმა სტუდენტმა შექმნა. ვინ იფიქრებდა, რომ ვებკამერით და ფლეშით კიდევ იყო დარჩენილი რაიმე ინოვაციური იდეა. ამ საიტის პრინციპი კი ძალიან მარტივია:

შედიხართ ჩეთრულეტზე, ავტომატურად აქტიურდება თქვენი ვებკამერა და ავტომატურად უკავშირდებით შემთხვევით შერჩეულ სხვა მომხმარებელს. ის ხედავს თქვენ კამერას, თქვენ - მისას. მსოფლიოს სხვადასხვა წერტილში მყოფი ორი ადამიანი მომენტალურად, რენდომულად ხვდება პირისპირ :)) ახლა კი ორივეს გაქვთ არჩევანი - შეგიძლიათ დაელაპარაკოთ ერთმანეთს (ხმით ან ჩეთით) ან დააჭიროთ ღილაკს Next და დაუკავშირდეთ შემდეგ ადამიანს.
განვაგრძოთ კითხვა →

ალბათ ყველას გინახავთ მინიმუმ ერთი ისეთი ფილმი, ან წაგიკითხავთ ერთი ნოველა მაინც, რომელშიც ორგანოს დონაციის თემაა გაჟღერებული. აი ის, ყელში ამოსული სიუჟეტური ხაზი — რომელიმე პერსონაჟი მძიმედ ავადაა, სასწრაფოდ ესაჭიროება ახალი გული (ან თირკმელი, ან ღვიძლი…), მისი არცერთი ნათესავი არ არის თავსებადი და ა.შ. და ა.შ.

არ ვიცი, ზუსტად რა არის ამ თემის ასეთი პოპულარობის მიზეზი. შეიძლება, ეს უბრალოდ სცენარისტთა ამოწურული ფანტაზიის შედეგია, მაგრამ შეიძლება — მიზანმიმართული აქცია, რომლის ფუნქციაც მსგავსი საშინელი მომენტის დეტალების ფართო მასებისთვის გაცნობა და იმის ნათლად ჩვენებაა, რომ ტრანსპლანტაციის საჭიროების წინაშე ნებისმიერი ჩვენთაგანი შეიძლება დადგეს. ჩემი ეს პოსტიც მსგავსი ფუნქციის იქნება. და ამით მინდა ერთგვარი მინი-აქცია დავიწყოთ, ქართულ ინტერნეტში მაინც :)
განვაგრძოთ კითხვა →

ამ ბლოგზე პირადულს არასოდეს არაფერს ვწერ ხოლმე… ვცდილობ, არ იყოს მოსაწყენი აქაურობა, გადატენილი ჩემი ცხოვრების ყოველდღიური დეტალებით. ასეთი ინფორმაციის გავრცელების ფუნქციას ფეისბუკის სტატუსები ითავსებს მშვენივრად. აქ კი, „მუზის“ არ-ქონის გამო პერიოდულად to-do list-ების ჩამოწერას მირჩევნია ორ თვეში ერთხელ დავწერო ხოლმე რამე აზრიანი…

მაგრამ…
მაგრამ ვეღარ ვითმენ. ამომასხა. და აქაც უნდა ვთქვა ეს!..
განვაგრძოთ კითხვა →

სტივ ჯობსი ვინ არის, მემგონი ყველამ იცის. არც ეფლის სექტანტი თაყვანისმცემელი ვარ და არც მისი დამაარსებლის სურათი მაქვს ჩამოკიდებული თავთან, მაგრამ მისტერ ჯობსი ჩემთვის უდაოდ დიდი ადამიანია. უმნიშვნელოვანესი ფიგურა, ვის გარეშე წარმოდგენაც კი მიჭირს, როგორი შეიძლებოდა ყოფილიყო თანამედროვე კომპიუტერი და ოპერაციული სისტემები :) ამის გარდა კი — მოაზროვნე პიროვნება, შესანიშნავი მარკეტოლოგი და უბრალოდ თავზეხელაღებული ჰიპი, რომლის ახირებებმა ბევრ სფეროში ეპოქა შექმნა.

2005 წელს სტივ ჯობსმა მისი ერთ-ერთი ყველაზე ცნობილი გამოსვლა წაიკითხა სტენფორდის უნივერსიტეტის სტუდენტებთან — სამი პატარა ისტორია საკუთარი ცხოვრებიდან, რომელიც ჩემზე, ყოველი მოსმენისას, ძალიან პოზიტიურ და გამომაცოცხლებელ ეფექტს ახდენს. :) ერთი-ორჯერ სერიოზულად დამეხმარა კიდეც რაღაც-რაღაცეებში და გემრიელად შემომილაწუნა, აი ისეთ ფოკუსგარე მომენტებში, ყველას რომ ქონია ;)
განვაგრძოთ კითხვა →

„ბროწეულფონის“ შესახებ მემგონი ძალიან ბევრმა იცის უკვე. მაგრამ ვინც არ იცის, მათთვის თავიდან დავიწყებ :) წინა პოსტიც ზუსტად ვირუსულ ონლაინ-მარკეტინგზე მქონდა დაწერილი და ესეც ამ თემის გაგრძელებაა.

2008 წლის სექტემბრის მიწურულს ინტერნეტს მომენტალურად მოედო ერთი საიტი — http://www.pomegranatephone.ca/

ამ საიტზე ახლაც შეგიძლიათ ნახოთ თვალისმომჭრელი პრეზენტაცია ახალი ტელეფონის, Pomegranate Phone-ის შესახებ, სადაც ჩამოთვლილია ის დამატებითი ფუნქციები, რომელიც ამ ტელეფონს უნიკალურს ხდის :)) მათ შორისაა ჩაშენებული პროექტორი, რომლითაც კედელზე ან ეკრანზე ფილმების და პრეზენტაციების გაშვებაა შესაძლებელი, ყავის მადუღარა, წვერის საპარსი, ჰარმონიკა, ხმოვანი თარჯიმანი 50 ენაზე და სხვა ისეთი მოსაწყენი ფუნქციებიც, როგორიცაა GPS ნავიგაცია, ციფრული კამერა, Wi-Fi კავშირის მხარდაჭერა და ა.შ.
განვაგრძოთ კითხვა →

ინტერნეტი ძალიან ძლიერი მარკეტინგული ინსტრუმენტია. ზოგ შემთხვევაში, ბევრად უფრო ძლიერი და ეფექტური, ვიდრე თვით მედია-მეფე ტელევიზია. :) მსოფლიო აბლაბუდას ეს თვისება დიდი ხანია, რაც განვითარებულ ქვეყნებში შეამჩნიეს და მშვენივრადაც იყენებენ მას; საქართველოში კი, ინტერნეტის მარკეტინგული მიზნებისთვის გამოყენება სტანდარტული საიტითა და მოსაწყენი საბანერო რეკლამით შემოიფარგლება ხოლმე (და ისიც, მხოლოდ რამოდენიმე კომპანიისთვის).

არადა, ქსელი შესაძლებლობების უსასრულო ზღვაა :) დაწყებული კლასიკური საბანერო რეკლამებით და დამთავრებული შესანიშნავი გარემოთი ვირუსული მარკეტინგისთვის. მთავარი კი ის არის, რომ ამ სივრცის ათვისება ძალიან, ძალიან იაფი ჯდება. სწორი გათვლების და ცოტა კრეატივის ჩართვის შემთხვევაში კი, შესაძლოა საერთოდ დანახარჯების გარეშეც კი „მიწვდეს“ ჭკვიანი ადამიანი ათიათასობით მომხმარებელს.
განვაგრძოთ კითხვა →

დღეს სკანდალურმა შემოქმედმა (ასე უწოდებს იგი საკუთარ თავს) ანრი ჯოხაძემ ინგა გრიგოლიას „პოლიტიკურ კვირაში“ ახალი სიმღერა და კლიპი შემოგვთავაზა.

„ბედნიერი ერი“ ილიას ლექსზე დაწერილი სიმღერაა, რომელიც ავტორმა ქვეყანაში განვითარებულ მოვლენებს მიუძღვნა. კლიპში ანრი თავად განასახიერებს სხვადასხვა ცნობილ სახეს და მთელი 3 წუთის მანძილზე რაღაც გაურკვეველი მესიჯის მოტანას ცდილობს მსმენელ-მაყურებლამდე :))

მიუხედავად იმისა, რომ დიდი ხანია, რაც ანრი ამ სიმღერისთვის „გვამზადებს“, მაინც გაუგებარია რისი თქმა სურდა მას ამ ნაბიჯით :D ყველა ინტერვიუში იგი იმეორებს, რომ „კონკრეტულად არცერთი პოლიტიკური ძალის მხარეზე არ დგას, თუმცა მას, როგორც შემოქმედს, სრული უფლება აქვს გააჩნდეს კონკრეტული პოზიცია და ღიად აფიქსირებდეს მას.“
განვაგრძოთ კითხვა →

ყ უ რ ა დ ღ ე ბ ა
წინამდებარე პოსტი განკუთვნილია მხოლოდ მათთვის, ვისაც შეუსრულდა 18 წელი! მასში გამოყენებულია უცენზურო ლექსიკა და შინაარსი, რომელიც შესაძლოა შეურაცხმყოფელი ან ზიანის მომტანი იყოს მავანთა გონებისთვის!
გთხოვთ, ნუ წაიკითხავთ მომდევნო პოსტს, თუ ხართ უბიწო და კონსერვატიული აზროვნების მქონე ან თუ თვლით, რომ ზედმეტად მგრძნობიარე დამოკიდებულება გაქვთ ძლიერი ლექსიკის მიმართ.

ესეიგი… :D დიდი ხანია მინდოდა ამ პოსტის დაწერა, მაგრამ ვერა და ვერ მოვიცალე. ახლა კი გადავწყვიტე ჩავუჯდე და მივიღო სრული სიამოვნება :D

საქმე რაშია.
ჩვენთან ძალიან, ძალიან მომრავლდა პორნო-ვარეზები :) ნუ, ის ბედნიერება ხომ არ კმაროდა, რომ ყოველი მეორე საკუთარ ვარეზნიკს ქმნიდა. ამის შემდეგ კი, ჯინეტის პროგრესირებადი კონტენტმეიკერები პორნო-ფაილებზე გადავიდნენ. მიზეზი მარტივი იყო - პორნო საიტის კეთება არის ადვილი, სასიამოვნო (:D) და, რაც მთავარია, ძალიან ეფექტური. პორნო ხომ ერთ-ერთი ყველაზე მოთხოვნადი კონტენტია მსოფლიო ინტერნეტში და, რათქმაუნდა, საქართველოშიც. ამიტომ, სულ რაღაც 2-3 დღეში ახალი პორნო საიტი რეიტინგში საკმაოდ სოლიდურ საიტებსაც კი უსწრებდა ხოლმე. შესაბამისად, მარტივად მოპოვებული ვიზიტორები ბევრს მოუნდა :D
განვაგრძოთ კითხვა →